خطورة النوم 5 ساعات في اليوم فقط على صحة الإنسان

كشف استشاري الصحة النفسية، د. ريمون ميشيل، طريقة ضبط ساعة النوم في فصل الشتاء، معلقا: في بداية مرحلة المراحل المبكرة من عمر الإنسان، سواء في مرحلة الطفولة أو مرحلة الشباب، بيحتاج الجسم للنوم عدد ساعات أكبر، وصولا إلى المعدلات الطبيعية من 7 لـ9 ساعات.

وأوضح خلال لقائه مع الإعلامية نهاد سمير وأحمد دياب مُقدمي برنامج «صباح البلد» المُذاع عبر NNi مصر، أن هناك أنواعا يكفيها النوم 5 ساعات في اليوم، مضيفا: في شخص تاني ميقدرش ينام أقل من 9 ساعات عشان يقوم بشكل يكون فيه نشاط ويكون فيه حيوية يقدر يكمل نشاطه باقي اليوم، ولكن أقل عدد ساعات من النوم ممكن الإنسان ينامهم 5 ساعات.

وتابع ريمون ميشيل قائلا: مرحلة النوم العميق بتكون بتاخد وقت أطول في أول 5 ساعات من النوم، فالإنسان اللي بينام أقل من 5 ساعات يوميا بيكون أكثر عرضة للأرق وللتوتر.

واختتم ريمون ميشيل: في معدل 10 ساعات، 10 ساعات بيكون مناسب جدا للأطفال، ولو كانوا 10 ساعات متواصلة فهذا أفضل.