فاتن عبد المعبود عن حادث بورسعيد: عشان نرجع التربية قبل التعليم محتاجين يقظة
كشفت الإعلامية فاتن عبد المعبود على أن هناك إصرار على قيام المدرسة بدورها وعودة التربية قبل التعليم، وذلك في تعليقها على واقعة قتل طالب على يد زميله داخل إحدى المدارس.
وتابعت خلال تقديم برنامج صالة التحرير، المذاع على NNi مصر، أن تحديد الهدف الذي نريد الوصول إليه يحتاج يقظة والناس الموجودة تبقى عارفة هي بتعمل أيه وتتحمل مسئوليتها قدام ربنا ويعدين قدام أولياء الأمور والمجتمع.
واستكملت الإعلامية فاتن عبد المعبود: مينفعش مدرسة كبيرة جدا يحصل فيها خناقة وواحد يتقتل ومحدش موجود، معلقة: أنا مش فاهماها إزاي طيب مشرف الدور فين والعمال والمدرسين الموجودين حول الحمام، لأنه أكيد مكانش في معزل يعني ولا حتة بعيدة ومنقطعة.
وواصلت: الطالب تجاوز السور دون أن يعترضه أحد وأعتقد زي ما في أفعال كتيرة صعبة حصلت، في كمان ردود أفعال لازم نقف عندها، وإقالة مدرير المدرسة والتحقيق مع المدرسين مينفعش نقف عند كده، لازم يكون في انضباط أكتر من كده، لأنه يعني أيه طالب يدخل المدرسة بسكين ولازم ناخد بالنا لو عاوزين نبدأ مرحلة جديدة يعود فيها الانضباط للمدراس.
