أحمد شوبير : علي معلول أيقونة.. ولن يرحل عن الأهلي
نفى الإعلامي أحمد شوبير، التقارير التي ترددت مؤخرا حول اقتراب التونسي علي معلول، من الرحيل عن النادي الأهلي، خلال الفترة المقبلة.
وقال الإعلامي أحمد شوبير عبر قناة الأهلي، الآتي:’ علي معلول ليه حق كبير وكتير علينا ده ياما سجل وصنع واخلص وحاجات كتير ياما قدمها للأهلي’.
وتابع:’ اللي كابتن محمد رمضان قاله ان رغم اصابة علي معلول لكنه موجود معانا بعقده ومكمل هذا الموسم وقال انه لو معلول رجع وحالته كانت كويسة وارد يكمل ويجدد طبقا لحالته، زي السولية كده بيجدد سنة بسنة، ونفس القصة بالنسبة لمعلول الموضوع راجع لحالته، لكن لا أحد قال الأهلي هيستغنى عن معلول ولا حد قال معلول مش هيكمل في الأهلي’.
وشدد:’ الناس في الأهلي مستنين على أحر من الجمر عودة معلول وان شاء الله علي يرجع بالسلامة ويحط رجله في الملعب ويثبت انه سليم وهتلاقيه موجود وبيلعب باك ليفت ووينج ليفت وهاف ليفت وبيلعب كل حاجة’.
وزاد:’ علي معلول أيقونة الكرة الأهلاوية، معشوق ومحبوب الجماهير الأهلاوية، ده معلول اللي الكل عارف ايه اللي اداه للنادي الأهلي، ورسالة للفاضلة زوجة علي معلول بقول لحضرتك علي معلول في قلوب الجميع، مجلس ادارة الأهلي والجهاز الفني واللاعبين والجمهور والاعلاميين وكل ما يمت للنادي الأهلي بصلة هو عاشق لعلي معلول، ويهيم شوقا وعشقا وحبا في علي معلول’.
