أحمد موسى ينفعل على الهواء: محدش شهيد غير اللي دافع عن بلدي مش اقتحم حدودي
كشف الإعلامي أحمد موسى، أن الشهيد من يدافع عن أرض مصر وأبنائها وشعبها، وغير كده ناس ماشية في الهيصة وراكبة تريند، قائلا: إسرائيل كانت وستظل هي العدو لمصر.
وتابع خلال تقديم برنامج على مسئوليتي، المذاع على NNi مصر، ألاقي واحد عامل نفسه سياسي ولا ليه علاقة بالسياسة وواحد طالع يناضل، طيب بلدكم فين، وفين حقوق شهداء بلدكم.
وواصل: مين فجر الأكمنة وقتل أبو شقرة والحوفي ومحمد وحيد ومحمد مبروك، نسيتوا مين قتل دول وبصلتكوا راحت فين، مين قتل الشهداء أيهة اللي جرالكم قولوا لنا.
واستطرد: خلوا بالكم يا جماعة، أنا طول عمري ضد الميليشيات في الكرة الأرضية، وندعم المقاومة في الدفاع عن بلادهم وتحريرها، ولكن اللي يعمل حاجة على أرض مصر بالنسبالي إرهابي
وقال الإعلامي أحمد موسى، إنه يجب التفرقة بين من اقتحم البلد والحدود وقتل شهداء الجيش والشرطة والمدنيين، مردفا: متنسوش الإرهاب عمل أيه في مصر ولا اقتحام الحدود والسجون ومين عمل أيه في ميدان التحرير؟!
وواصل: في ناس مترحمتش على شهداء مصر الأبطال اللي دافعوا عنهم، ودلوقتي شغال ليهم يومين يكتبوا، بس دخلت شتمتهم على المواقع بتاعتهم على تويتر.
واستكمل الإعلامي أحمد موسى: لازم تراعوا مشاعر أسر شهداء المصريين وتشيلوهم على رأسكم، وهذا من حق بلدنا وشهدائنا علينا، موضحا أن الرئيس في كل مرة يتحدث يوجه السلام للشهداء.
واختتم: نسينا مين كان بيهدد جيشنا، أنا لم أنس وعمري ما أنسى، وأنا كنت بعرض الفيديوهات في هذا البرنامج، متسائلا: هو أيه اللي أتغير، مش عارفين حق بلدكم.
